Er komin með nýtt blogg í bili allavega... aðeins að hvíla mig á þessu drasli... HTTP://EDDAN.XBLOGG.IS

bíba

Hæhæ allir saman… Hjá mér er allt fínt að frétta, nema það að ég komst að því að ég er víst ekki að verða 23 ára eins og ég hélt, heldur er ég orðin 24 ára…  Alveg furðulegt þegar að það festast svona hlutir í manni… En allavega, við erum flutt og maður er bara svona að bagsa við að koma sér fyrir og svona. Erum svo að fara um helgina með Júlluna í jólamyndatöku (ef að veður leyfir) og þá verður líka keypt smá sem vantar í íbúðina og svona…  Ég hef svosum ekkert meir að segja, það er ekkert að ske þessa dagana, labbaði 3 km í gær… Fór labbandi út í Gröf með vagninn og barnið, það var mjög fínt sko, nema helst að enda labbitúrinn á því að labba upp RISA brekku. En maður lifir… En allavega þá fer ég bráðum að fá netið og tölvu heim til mín og þá verður sko SKRIFAÐ!!!     

bíba

Hæhæ... Bara að láta vita að ég er á lífi, íbúðarmál ganga vel og allir hressir. Stefni á að flytja inn í næstu viku...

Það er kominn 17. júní... (eða eitthvað þvíumlíkt... ) En allavega, er loksins komin með íbúðina og erum byrjuð að mála... Vei - wish me luck við að losna við draslið hans silla...

Hæhæ er bara að tjekka á stöðunni um helgina, hverjir ætla á ball??? Ætla allir í réttir og ætla einhverjir í stóðsmölun??? En allavega þá er ósköp lítið að frétta héðan, er bara að bíða eftir næsta föstudegi (sem er reyndar fös.13.!!!) Og þá verður sko mokað hinu(m) og þessu(m) út... Og ekkert gefið eftir, og eins og konan í Opruh sagði, ef maður hefur ekkert gott að segja um einhvað/einhvern, þá skal maður bara þegja og segja ekki neitt.... Það hef ég haft að leiðarljósi núna... over and out 

 

 

Já góðan daginn… Héðan er allt fínt að frétta. Ef að allt hefði gengið að óskum þá hefði ég verið að fá íbúðina mína þessa helgina, en nei svo er víst ekki og það verður bara ekki rætt meira.  Ég er hvort sem er búin að bíða svo lengi eftir henni þannig að hvað bítta tvær vikur í viðbót???  (væri samt gaman að fá hana samkvæmt kaupsamningi)  Annars er ég bara búin að vera í rollustússi og velja lífgimbrar og svoleiðis. Í dag var svo slátrað og var meðalvigtin 19.09 kg af 50 lömbum (sem er mjög gott fyrir þá sem ekki vita) Og flokkaðist mestallt í U og E…  Þannig að það eru stoltir fjárbændur í Grafarkoti núna. En ég hef svosum ekkert meir að segja í bili… Kveðjur…

Jei jei... það eru göngur á morgun... Ætla ekki allir að fara í göngur??? Hvernig er það... Ekki það að ég er ekki að fara neitt... Ég og hún Júlla mín ætlum bara að vera á rúntinum og kíkja þarna úteftir... Svo verður kannski trillað í réttina og dregið eitthvað smá... En allavega, sjáumst í réttum...

Já góðan daginn… Héðan er allt fínt að frétta, nema að það er alltaf svoldið hvasst og kalt. En ég og Hjöddan létum það sko ekki á okkur fá síðasta föstudag, heldur skelltum okkur á hestbak og riðum út þótt við urðum gegnblautar, enda hetjur er það ekki Hjödda???

Helgin var alveg barasta mjög fín, við smöluðum á Kárastöðum á laugardagskvöld og svo vigtuðum ég og pabbi lömbin meðan hinir voru að koma sér í ball fílinginn. Svo var bara skellt sér í sturtu og á ball. Ég fór reyndar öfugt við restina af skyldfólki mínu, ég fór í Ásbyrgi. Ég ákvað sko að svíkja ekki réttarballið mitt frekar en fyrridaginn. Þetta var bara rosa fjör, allar gömlu kempurnar, Daníel Viðar, Sæli, Harold Aroz, Heimir Baldurs og fleiri snillingar. Ég dansaði bara allt ballið eiginlega, enda vorum við, ég, Tóta og Sirrý langbestar á dansgólfinu. Svo reyndar tók ég nokkra geggjaða snúninga með Gunnari Ægi mínum. (þá er ég ekki að meina heimalninginn)

Svo þegar heim var komið, þá leit ég yfir í Lækjarhvamm og sá (að ég hélt) að Óli var kominn heim… Mér fannst þetta alveg stórfurðulegt, að Óli væri kominn heim klukkan hálffjögur eftir ball.

 EEeeeen þegar ég var að rölta yfir með Júlíu þá sá ég að það voru tveir hausar í eldhúsinu. Ég bara ohhh Óli hefur tekið Handsome með sér heim eða eitthvað. Var svoleiðis búin að undirbúa ræðuna þegar ég kom yfir. Ég skildi vagninn eftir fram í forstofu, strunsaði inn og hvað haldiði að ég hafi séð??? Mágar mínir tveir sátu þar, þó nokkuð vel í því, hámuðu í sig núðlur og hlustuðu á papana. Svo þegar ég kom æðandi þarna inn, þá bara – nei hæ, viltu ekki núðlur??? Ég átti nú bara erfitt með að springa ekki úr hlátri, en hva, því ekki að skella sér bara á núðlurnar… Þannig að þegar ég var búin að koma barninu fyrir í rúminu þá var bara sest niður með strákunum og hámað í sig. Þannig að það var bara mjög góður endir á fínu kvöldi… En ég er sammála Hjöddu, hvar er slúðrið??? Ég er voða lítið búin að frétta, veit bara hver gisti á Gauksmýri í þetta skiptið, með hverjum Elín á Þverá var með í þetta skiptið, hvaða 10 ára stelpu Heimir var með í þetta skiptið, hvað Hulda og Rósa voru lengi að djamma í þetta skiptið og hver var tekinn fullur og með dóp í þetta skiptið… Hvar er restin af slúðrinu??? Yfir og út…

Ojoj… það er komið haust… núna er rok, 6 stiga hiti og meira að segja smá rigning með því… Ég kom við kinnarnar á Júlíu áðan (hún er sko sofandi í vagninum) og þær eru frosnar… ojbarasta… En hún virðist ekki finna fyrir því, bara sefur á sínu grænasta. Annað er það svosum að frétta að ég fékk fyrstu vökunóttina hennar Júlíu í nótt… Hún var bara ekkert á því að fara að sofa. Hún skiptist á að öskra á mig og grenja á mig. En svo klukkan hálffimm þegar ég gafst upp og tók hana upp í til mín þá varð sú litla ekkert smá kát sko… Hætti snögglega að grenja og varð hin kátasta, hló og skríkti. Þannig að þetta var semsagt markmiðið, gera mömmu sína gráhærða, til þess að komast upp í til hennar…

Við erum að pæla að fara suður um helgina og skoða okkur um fyrir íbúðina, sjá hvað er flott og sonna. En vonandi kaupum við ekki neitt – allavega ekki strax. Annars er voða lítið að frétta, nema að ég er búin að slá metið í útreiðum á merinni minni sem að er búið að taka mig 2 ár að temja. Ég fór 2x í fyrra á hana og er búin að fara 5x!!! á hana núna… Ekki misskilja, hún er mjög þæg og góð og skemmtileg. Hún er bara of auðveld held ég, þess vegna hefur hún alltaf orðið útundan. En ég ætla að bæta úr því í vetur.

En annars þá bið ég ykkur bara vel að lifa…

Halló og afsakið bloggletið...   Ég býst við að maður sé bara búinn að vera í sumarfríi... en allavega, þá er bara allt gott að frétta, var í brúðkaupi um helgina. Kolla Edda frænka mín var að giftast henni Steinunni sinni...  Þetta var rosa  fjör og svo bara í miðri veislunni komu þær fréttir að Linda væri búin að eiga. Það var alveg rosalega gaman og ég óska Lindu og Ottó innilega til hamingju með drenginn.

Af okkur er það að frétta að við vorum að kaupa okkur íbúð. Hún er 124,3 fm2 (er þetta ekki skrifað svona?) Jei jei, við erum ekkert smá spennt að fá hana. Það þarf aðeins að laga hana en það er ekkert svo mikið. Þannig að nú gerir maður ekkert annað en að hugsa hvernig maður ætlar að mála herbergin og allt saman og hvað maður ætlar að kaupa o.s.frv.

Hvað er annars að frétta af ykkur??? Ég er ekkert búin að vera inn á blogg heiminum í sumar... Þetta lagast með haustinu örugglega...

Hæhæ allir saman... ég ákvað bara að blogga örlítið svona til tilbreytingar. Héðan er allt gott að frétta, Júlía er alltaf að stækka og maður gerir svosum ekki mikið annað en að sinna henni þessa dagana, enda ekki amalegt starf.

 Ég er reyndar búin að fara í eitt stykki hestaferðalag með Kollu og co og Fanney og Hjöddunni og svo voru líka Reynir, Einar ofl... Þetta var rosa fjör og ágætis tilbreyting á hversdagslífinu. Núna er allt á fullu í heyskap og svo er hún frænka mín, Rakel Gígja að koma til okkar í pössun í 4 daga og það verður sko fjör...

 En allavega, þá óska ég Berglindi Björk frænku minni til hamingju með nafnið sitt og Gunnhildi óska ég til hamingju með drenginn sinn hann Grím... Já en allavega, þá bið ég að heilsa í bili...

hæhæ... Júlía er komin með heimasíðu... slóðin er www.juliajara.barnaland.is

Hæhæ allir saman...  héðan er allt gott að frétta... Prinsessan stækkar og stækkar og verður kröftugari og kröftugari...  Ég fór á hestbak í gær í fyrsta skipti síðan í mars og það var alveg geggjað gaman... ég fór með mömmu ríðandi á móti Hjöddunni og Fanney og við fórum alveg út að gvendastöðum... ofsastuð....   svo var féð sett upp í fjall í gærkvöldi, þannig að busy dagur hjá mér. En bið að heilsa í bili...

hæhæ allir saman... jamms það er eitt stykki barn mætt á heimilið... Þið getið séð mynd af henni á fanneyd.blogspot.com og líka á grafarkot.is... svolítið brúnaþung á myndunum, er samt yfirleitt mjög glöð...  en allavega, ætla að skrifa betur seinna um þetta allt saman...

bara smá upplýsingar... það eru tvær vikur þar til ég á að eiga!!! SHIT er það eina sem ég get sagt við því... ég er ekki einu sinni flutt.... alltaf á síðasta snúning... Mér dettur aðallega í hug núna - this is the end - með Doors... en allavega, ætlaði bara að deila hræðslu minni með ykkur... kiss kiss